ക്രിസ്ത്യൻ പള്ളി മുസ്ലിം പള്ളിയായി നവീകരിച്ചത് മതേതരത്വത്തിലേക്കുള്ള തിരിഞ്ഞുനടത്തം : പാണക്കാട് സാദിഖലി തങ്ങൾ

ഹഗിയ സോഫിയ എന്ന എന്ന ക്രിസ്ത്യൻ ചരിത്രമുറങ്ങുന്ന പള്ളി മുസ്ലിം പള്ളിയായി നവീകരിച്ചത് മതേതരത്വത്തിലേക്കുള്ള തിരിഞ്ഞുനടത്തം എന്ന് പാണക്കാട് സാദിഖലി തങ്ങൾ അഭിപ്രായപ്പെട്ടു. ഇസ്ലാമിക രാഷ്ട്രമായ തുർക്കിയിലെ പുരാതന ചരിത്രമുറങ്ങുന്ന ക്രിസ്ത്യൻ പള്ളി മുസ്ലിം പള്ളി ആക്കി മാറ്റിയ തുർക്കി ഭരണാധികാരി എൽദോഗന് പൂർണ പിന്തുണയാണ് ചന്ദ്രികയിൽ എഴുതിയ ലേഖനത്തിലൂടെ സാദിഖലി തങ്ങൾ നൽകുന്നത്. അതേസമയം ബാബറി മസ്ജിദ് പൊളിച്ച് രാമക്ഷേത്രം പണിയുന്ന കേന്ദ്ര സർക്കാരിൻറെ നീക്കം ഫാസിസവും തുർക്കിയിലെ ഭരണാധികാരിയുടെ നീക്കം മതേതരത്വവുമാണെന്ന് പറയുന്ന സാദിഖലി തങ്ങളുടെ യഥാർത്ഥ വർഗീയ വാദിയുടെ മുഖം പുറത്തുവന്നുവെന്നും ആക്ഷേപമുണ്ട്.