ലഡാക്കിലെ ഇന്ത്യ - ചൈന അതിർത്തിയിലെ ചൈനീസ് ക്രൂരതയെ തുടർന്ന് ഇന്ത്യയ്ക്ക് തയ്‌വാന്റെയും ഹോങ്കോങ്ങിന്റെയും പിന്തുണ. ചൈനീസ് ആക്രമണത്തിൽ 20 ഇന്ത്യൻ സൈനികരാണ് വീരമൃത്യു വരിച്ചത്. ഇന്ത്യൻ സൈന്യത്തിന്റെ പ്രതിരോധത്തിൽ ചൈനയുടെ കമാൻഡിങ് ഓഫിസർ അടക്കം കൊല്ലപ്പെട്ടതായാണ് റിപ്പോട്ടുകൾ. തുടർന്ന്  തയ്‌വാനിലെയും ഹോങ്കോങ്ങിലെയും സോഷ്യൽ മീഡിയയിൽ ഇന്ത്യയ്ക്ക് പിന്തുണയുമായി പോസ്റ്റുകൾ തരംഗമായി .ഹോങ്കോങ് സമൂഹമാധ്യമമായ ലിക്ജിയിൽ ചൈനീസ് വ്യാളിയെ അമ്പെയ്യുന്ന ശ്രീരാമന്റെ ചിത്രം വൈറലായി.