ഇനി ചൈന കാണുന്നത് ഇന്ത്യൻ സൈന്യം 2.O

ചൈനയുടെ പ്രകോപനങ്ങൾക്ക് മറുപടി നൽകാൻ സൈന്യത്തിന് നിർദേശം.ചൈന നടത്തുന്ന  ഏത് കടന്നുകയറ്റത്തോടും ശക്തമായി തന്നെ പ്രതികരിക്കാൻ സൈന്യത്തിന് നിർദ്ദേശം നൽകി.രാജ്യത്തിന്റെ  അതിർത്തി സംരക്ഷിക്കാൻ ആവശ്യമായ ഏത് നടപടികൾക്കും സൈന്യത്തിന് കേന്ദ്രസർക്കാർ പൂർണ സ്വാതന്ത്ര്യം നൽകിയതായാണ് റിപ്പോർട്ട്. ഇന്ത്യ-ചൈന അതിർത്തിയുടെ  സുരക്ഷ പാരാ സൈനിക വിഭാഗത്തിൽ നിന്ന് നേരിട്ട് ഇന്ത്യൻ സൈന്യം ഏറ്റെടുത്തു.ഇക്കാര്യങ്ങൾ ചർച്ച ചെയ്യാനായി പ്രതിരോധമന്ത്രി വിളിച്ച വിവിധ സൈനിക തലവന്മാരുടെ യോഗം അവസാനിച്ചു. 

യുദ്ധം ആവശ്യമായി വന്നാൽ അതിനും പൂർണ സജ്ജരാകാൻ സൈന്യത്തോട് കേന്ദ്രസർക്കാർ ആവശ്യപ്പെട്ടിട്ടുണ്ട്. മുഖ്യ സൈനിക മേധാവി ബിപിൻ റാവത്തിനൊപ്പം കര, നാവിക , വ്യോമസേന തലവന്മാരും പ്രതിരോധ മന്ത്രിയുമായുള്ള യോഗത്തിൽ പങ്കെടുത്തു.