സൗദി: പ്രതിദിന കോവിഡ് രോഗികൾ 500ന് താഴെ

ജിദ്ദ: സൗദിയില്‍ പ്രതിദിന കോവിഡ് രോഗികൾ  500ന് താഴെയെത്തി.  മരണസംഖ്യയിലും ക്രമാതീതമായ കുറവാണ് രേഖപ്പെടുത്തിയിട്ടുള്ളത്. പ്രതിദിന കോവിഡ് രോഗികളുടെ എണ്ണം തുടര്‍ച്ചയായി 500 ന് താഴെ എത്തി എന്ന ആശ്വാസത്തിലാണ് സൗദി അറേബ്യ. 

 492 കോവിഡ് കേസുകള്‍ മാത്രമാണ് റിപ്പോർട് ചെയ്തത്. 26 പേര്‍  മരിച്ചു. 592 പേര്‍ കോവിഡില്‍നിന്നും മുക്തി നേടി.  രോഗമുക്തി നേടിയവരുടെ എണ്ണം 3,19,746 ആയി.സൗദിയില്‍ ഇതുവരെ 3,35,097 പേരിലാണ് രോഗം സ്ഥിരീകരിച്ചത്. ഇവരില്‍ 10,557 പേരാണ് നിലവില്‍ ചികിത്സയിലുള്ളത്. ഇതില്‍ 993 പേര്‍ അത്യാസന്ന നിലയിലുമാണ്.