ഇന്ത്യയടക്കം 18 രാഷ്​ട്രങ്ങളിൽ നിന്നുള്ള യാത്രാവിലക്ക്​ നീക്കി ഒമാൻ

ഇന്ത്യയടക്കം 18 രാഷ്​ട്രങ്ങളിൽ നിന്നുള്ള യാത്രാവിലക്ക്​ നീക്കി ഒമാൻ.ഒമാനിൽ അംഗീകരിച്ച വാക്​സിന്റെ രണ്ട്​ ഡോസും സ്വീകരിച്ചവർക്കാണ്​ പ്രവേശനാനുമതി ലഭിക്കുക. ഓക്​സ്​ഫഡ്​ ആസ്​ട്രാസെനക്ക, സ്​പുട്​നിക്ക്​, ഫൈസർ, സിനോവാക്​ വാക്​സിനുകൾക്കാണ്​ ഒമാനിൽ അംഗീകാരമുള്ളത്​. ഇത്​ പ്രകാരം കോവിഷീൽഡ്​, സ്​പുട്​നിക്​ വാക്​സിനുകൾ സ്വീകരിച്ചവർക്കാണ്​ ഇന്ത്യയിൽ നിന്ന്​ യാത്രാനുമതി ലഭിക്കുക.

സെപ്​റ്റംബർ ഒന്ന്​ മുതലായിരിക്കും തീരുമാനം പ്രാബല്ല്യത്തിൽ വരുകയെന്ന്​ സിവിൽ ഏവിയേഷൻ അതോറിറ്റി പുറപ്പെടുവിച്ച പ്രസ്​താവനയിൽ പറയുന്നു. നാല്​ മാസത്തെ ഇടവേളക്ക്​ ശേഷമാണ്​ ഒമാൻ യാത്രാ വിലക്ക്​ നീക്കം ചെയ്യുന്നത്​. ഒമാനിൽ റെസിഡൻറ്​ വിസയുള്ളവർ, ഓൺ അറൈവൽ വിസ ലഭിക്കുന്നവർ, യാത്രക്ക്​ വിസ ആവശ്യമില്ലാത്തവർ തുടങ്ങിയ വിഭാഗങ്ങളിലുള്ളവർക്കാണ്​ അനുമതി ലഭിക്കുക.