കഴിഞ്ഞ 24 മണിക്കൂറിനിടയിൽ ഖത്തറില്‍ 271 പേർക്ക് കോവിഡ്

ദോഹ: ഖത്തറില്‍ ഞായറാഴ്​ച 271 പേര്‍ക്കുകൂടി പുതുതായി കൊറോണ വൈറസ് രോഗം റിപ്പോർട്ട് ചെയ്തിരിക്കുന്നു. 289 പേര്‍ക്ക്​ കോവിഡ് രോഗമുക്​തി. കൊറോണ വൈറസ് രോഗബാധയെ തുടർന്ന് രാജ്യത്ത് ഒരാള്‍ കൂടി മരണപ്പെട്ടതോടെ ആകെ മരണം 193 ആയിഉയർന്നു.

നിലവിലുള്ള ആകെ കോവിഡ് രോഗികള്‍ 3093 ആണ് ഉള്ളത്​. ഇതുവരെ 551273 പേര്‍ക്കാണ്​ കോവിഡ് പരിശോധന നടത്തിയത്​. ഞായറാഴ്​ച 4988 പേരെ കോവിഡ് പരിശോധിച്ചു. ആകെ 111794 പേരാണ്​ രോഗമുക്​തി ​നോടിയിരിക്കുന്നത്​.

477 പേരാണ്​ വിവിധ ആശുപത്രികളില്‍ കോവിഡ് ചികില്‍സയിലുള്ളത്​. ഇതില്‍ 41 പേരെ 24 മണിക്കൂറിനുള്ളില്‍ പ്രവേശിപ്പിച്ചതാണ്​. 74 പേര്‍ ആകെ തീവ്രപരിചരണവിഭാഗത്തിലുണ്ട്​. ഇതില്‍ അഞ്ചുപേരെ ഞായറാഴ്​ച പ്രവേശിപ്പിച്ചതാണ്​.