ഒമാനില്‍ 181 പേർക്ക് കൂടി കോവിഡ് 

മസ്കത്ത്: ഒമാനില്‍ 181 പേർക്ക് കൂടി കൊറോണ വൈറസ് രോഗബാധ സ്ഥിരീകരിച്ചു. ഇതോടെ ആകെ കോവിഡ് രോഗികളുടെ എണ്ണം 82924 ആയി ഉയർന്നിരിക്കുന്നു. 123 പേര്‍ക്ക്​ കൂടി കൊറോണ വൈറസ് രോഗം ഭേദമായി. 77550 പേരാണ്​ ഇതുവരെ രോഗമുക്​തരായത്​. 61 പേരെ കൂടി ആശുപത്രിയില്‍ പ്രവേശിപ്പിച്ചു . 462 പേരാണ്​ ആശുപത്രികളില്‍ ചികിത്സയിൽ കഴിയുന്നത്​.

ഇതില്‍ 158 പേര്‍ തീവ്ര പരിചരണ വിഭാഗത്തിലാണ്​ കഴിയുന്നത്​. മസ്​കത്ത്​ ഗവര്‍ണറേറ്റിലാണ്​ ഇന്ന്​ പുതിയ കോവിഡ് രോഗികള്‍ ഏറ്റവും കൂടുതലുള്ളത്​. 76 പേര്‍ക്കാണ്​ ഇവിടെ വൈറസ്​ ബാധ ബാധിച്ചിരിക്കുന്നത്​. രാജ്യത്ത് കൊറോണ വൈറസ് രോഗം​ ബാധിച്ച്‌​ അഞ്ചുപേര്‍ കൂടി മരിച്ചു. ഇതോടെ ആകെ കോവിഡ് മരണം 562 ആയി.