ഒമാനില്‍ ഏഴുപേര്‍ കൂടി കോവിഡ് രോഗം ബാധിച്ച് മരിച്ചു 

മസ്‌കറ്റ്: ഒമാനില്‍ ഏഴുപേര്‍ കൂടി കോവിഡ്  രോഗം ബാധിച്ച് മരിച്ചതായി ആരോഗ്യ മന്ത്രാലയം ഇന്ന് അറിയിച്ചു. 164 പേര്‍ക്ക് കൂടി പുതിയതായി കോവിഡ് രോഗം ബാധിച്ചു. രാജ്യത്ത് ഇതുവരെ  കോവിഡ് വൈറസ് രോഗം സ്ഥിരീകരിക്കപ്പെട്ടവരുടെ എണ്ണം 125,490 ആയി ഉയർന്നു. ആകെ 1461 പേരാണ് കോവിഡ് വൈറസ് രോഗം ബാധിച്ച് മരിച്ചത്.

പുതിയതായി 314 പേര്‍ക്ക് കൂടി രോഗം ഭേദമായിട്ടുണ്ട്. രാജ്യത്ത് ഇതുവരെ 117034 പേരാണ് രോഗമുക്തരായിരിക്കുന്നത്. രാജ്യത്തെ രോഗമുക്തി നിരക്ക് ഇപ്പോള്‍ 93.3 ശതമാനമായി. കഴിഞ്ഞ 24 മണിക്കൂറിനിടെ 18 പേരെയാണ് ആശുപത്രികളില്‍ പ്രവേശിപ്പിച്ചത്. ഇപ്പോള്‍ 141 പേര്‍ ആശുപത്രികളില്‍ ചികിത്സയിലുണ്ട്. ഇവരില്‍ 71 പേര്‍ തീവ്രപരിചരണ വിഭാഗത്തിലാണ്.