ഒമാനില്‍ 427 പേര്‍ക്ക് കൂടി കോവിഡ് ബാധ 

ഒമാനില്‍ 427 പേര്‍ക്ക് കൂടി കൊറോണ വൈറസ് രോഗം റിപ്പോർട്ട് ചെയ്തിരിക്കുന്നു. കൊറോണ വൈറസ് രോഗം സ്ഥിരീകരിച്ചവരിൽ 217 പേര്‍ സ്വദേശികളും 210 പേര്‍ പ്രവാസികളുമാണ്. ഇതോടെ മൊത്തം കോവിഡ് രോഗികളുടെ എണ്ണം 80713 ആയി ഉയർന്നിരിക്കുന്നു. എന്നാൽ അതേസമയം രാജ്യത്ത് 1107 പേര്‍ക്ക്​ കൂടി കൊറോണ വൈറസ് രോഗം​ ഭേദമായി. ഇതോടെ രോഗമുക്​തരുടെ എണ്ണം 70910 ആയിരിക്കുന്നു.

879 കോവിഡ് പരിശോധനകളാണ്​ നടത്തിയത്​. നാലു പേര്‍ കൂടി മരണപ്പെട്ടു. ഇതോടെ ആകെ മരണപ്പെട്ടവരുടെ എണ്ണം 492 ആയി  ഉയർന്നു. 60 പേരെ കൂടി ആശുപത്രിയില്‍ പ്രവേശിപ്പിച്ചു. 513 പേരാണ്​ നിലവില്‍ ആശുപത്രികളില്‍ ചികിത്സയിലുള്ളത്​. ഇതില്‍ 177 പേര്‍ തീവ്ര പരിചരണ വിഭാഗത്തിലാണുള്ളത്​. 9311 പേരാണ്​ നിലവില്‍ അസുഖ ബാധിതരായിട്ടുള്ളത്​.