യു.എ.ഇയിൽ പ്രവാസികൾക്ക് സന്തോഷവാർത്ത; 100 ശതമാനം ഉടമസ്​ഥതയോടെ കമ്പനി തുടങ്ങാം 
 

ദുബൈ:രാജ്യത്തിനും പ്രവാസികൾക്കും ഒരുപോലെ ​ഗുണപരമായ തീരുമാനമെടുത്ത് യു.എ.ഇ.  വിദേശികൾക്ക്​ നൂറു ശതമാനം ഉടമസ്ഥാവകാശത്തോടെ കമ്പനി തുടങ്ങാമെന്ന യു.എ.ഇ.യുടെ  പുതിയ തീരുമാനം സാമ്പത്തികമായി രാജ്യത്തിനു  വൻ നേട്ടങ്ങൾക്ക് വഴിവെക്കുന്നതോടൊപ്പം  പ്രവാസികൾക്കും  ഗുണപരമാകും.ഡിസംബർ ഒന്നു​ മുതൽ മെയിൻലാൻഡിലും പൂർണ ഉടമസ്ഥാവകാശം പ്രവാസികൾക്ക്​ കൈവശം വെക്കാവുന്നതാണ് പുതിയ തീരുമാനം. പ്രവാസികൾക്കുതന്നെ പങ്കാളിത്തത്തോടെ കൂടുതൽ സ്ഥാപനങ്ങൾ തുറക്കാനും സാധിക്കും.ഉൽപാദന, കാർഷിക, സേവന മേഖലകളെയാണ്​ പ്രധാനമായും ലക്ഷ്യമിടുന്നത്​. അതെ സമയം, ഊർജോൽപാദനം, എണ്ണ ഖനനം, സർക്കാർ സ്ഥാപനം തുടങ്ങിയ മേഖലകളിൽ വിദേശ നിക്ഷേപത്തിന്​ നിയന്ത്രണം തുടരും.

നിലവിൽ ഫ്രീ സോണുകളിൽ​ 100 ശതമാനവും മെയിൻലാൻഡുകളിൽ 51 ശതമാനം ഉടമസ്ഥാവകാശവും ഇമറാത്തികൾക്കുമാണ്.