ബഹ്​റൈനിൽ സന്ദർശക വിസകളുടെ കാലാവധി  നീട്ടി

മനാമ:വിമാന സർവീസുകൾ ഇല്ലാത്തതിനാൽ ബഹ്​റൈനിൽ  ജൂലൈയിൽ നീട്ടിനൽകിയ സന്ദർശക വിസകളുടെ  മൂന്നു​ മാസത്തെ കാലാവധി ഒക്​ടോബർ 21ന്​ അവസാനിക്കുന്ന സാഹചര്യത്തിൽ​ ജനുവരി 21 വരെ നീട്ടാൻ തീരുമാനിച്ചു.  സന്ദർശക വിസകളുടെ കാലാവധി ജനുവരി 21 വരെ നീട്ടിയതായി നാഷനാലിറ്റി, പാസ്​പോർട്​സ്​ ആൻഡ്​ റെസിഡൻസ്​ അഫയേഴ്​സ്​ (എൻ.പി.ആർ.എ) അറിയിച്ചു. 

പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ അധ്യക്ഷതയിലുള്ള എക്​സിക്യൂട്ടിവ്​ കമ്മിറ്റിയുടെ തീരുമാനമനുസരിച്ചാണ്​ എൻ.പി.ആർ.എയുടെ പ്രഖ്യാപനം.എല്ലാ സന്ദർശക വിസകളും അപേക്ഷ കൂടാതെ തന്നെ സൗജന്യമായി പുതുക്കപ്പെടുന്നതാണ്​. കാലാവധി നീട്ടുന്നതിന്​ ഇ-വിസ വെബ്​സൈറ്റ്​ വഴി അപേക്ഷിക്കേണ്ടതില്ല.