ഒമാനില്‍ 99 പേര്‍ക്ക് കൂടി കൊവിഡ്

ഒമാനില്‍   99 പേര്‍ക്ക് കൂടി കൊവിഡ് സ്ഥിരീകരി ച്ചു. രോഗം ബാധിച്ച് ചികിത്സയിലായിരുന്ന 142 പേര്‍ കൂടി രോഗമുക്തരാവുകയും ചെയ്തു. അതേസമയം, പുതിയ കൊവിഡ് മരണങ്ങളൊന്നും രാജ്യത്ത് റിപ്പോര്‍ട്ട് ചെയ്തിട്ടില്ല.

ഇതുവരെയുള്ള കണക്കുകള്‍ പ്രകാരം 387829 പേര്‍ക്കാണ് ഒമാനില്‍ കൊവിഡ് സ്ഥിരീകരിച്ചത്. ഇവരില്‍ 381757 പേര്‍ രോഗമുക്തരാവുകയും 4250 പേര്‍ മരണപ്പെടുകയും ചെയ്തു.98.4 ശതമാനമാണ് നിലവിലെ രോഗമുക്തി നിരക്ക്. കഴിഞ്ഞ 24 മണിക്കൂറിനിടെ 18 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. രാജ്യത്തെ  വിവിധ ആരോഗ്യ കേന്ദ്രങ്ങളിലായി 86 പേരും ഐ.സി.യുവില്‍ 16 പേരും ചികിത്സയില്‍ കഴിയുന്നുണ്ട്.