സൗദിയില്‍  190 പേര്‍ക്ക് കൊവിഡ് 

റിയാദ്: സൗദിയില്‍ പുതുതായി 190 പേര്‍ക്ക് കൊവിഡ് രോഗം ബാധിക്കുകയും 455 പേര്‍ രോഗമുക്തി നേടുകയും ചെയ്തു. ഇതോടെ ഇതുവരെ രാജ്യത്ത് റിപ്പോര്‍ട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,48,311 ഉം രോഗമുക്തരുടെ എണ്ണം 7,29,661 ഉം ആയി.

ഒരു മരണവും പുതുതായി റിപ്പോര്‍ട്ട് ചെയ്തു. ഇതോടെ രാജ്യത്തെ ആകെ മരണം 9,014 ആയി. നിലവില്‍ 9,636 പേര്‍ രോഗം ബാധിച്ച് ചികിത്സയിലുണ്ട്. ഇവരില്‍ 351 പേരുടെ നില ഗുരുതരമാണ്. ഇവരെ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. സൗദിയില്‍ നിലവിലെ കൊവിഡ് മുക്തി നിരക്ക് 97.50 ശതമാനവും മരണനിരക്ക് 1.20 ശതമാനവുമാണ്.