സൗദി അറേബ്യയില്‍ 128 പേര്‍ക്ക് കൊവിഡ്

സൗദി അറേബ്യയില്‍  കൊവിഡ് പ്രതിദിന കണക്ക് വീണ്ടും ഉയരുന്നു. പുതുതായി 128 പേര്‍ക്ക് കൊവിഡ് ബാധ റിപ്പോര്‍ട്ട് ചെയ്തപ്പോള്‍ അസുഖ ബാധിതരായി ആശുപത്രിയില്‍ കഴിഞ്ഞവരില്‍ നാലുപേര്‍ കൂടി മരിച്ചു. നിലവിലെ രോഗബാധിതരില്‍ 120 പേര്‍ സുഖം പ്രാപിച്ചു. രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 754,238 ആയി. ആകെ രോഗമുക്തരുടെ എണ്ണം 741,906 ആയി ഉയര്‍ന്നു.

ആകെ മരണസംഖ്യ 9,093 ആയി. രോഗബാധിതരില്‍ 3,239 പേരാണ് ചികിത്സയില്‍ കഴിയുന്നത്. ഇതില്‍ 49 പേരുടെ നില ഗുരുതരം. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്.