അബുദാബിയിലെ പൊതു, സ്വകാര്യ വിദ്യാലയങ്ങൾക്ക് അഞ്ചുദിവസം പെരുന്നാൾ അവധി

അബുദാബിയിലെ പൊതു, സ്വകാര്യ വിദ്യാലയങ്ങൾക്ക് അഞ്ചുദിവസം പെരുന്നാൾ അവധി. അബുദാബി ഡിപ്പാർട്ട്‌മെന്റ് ഓഫ് എജ്യുക്കേഷൻ ആൻഡ് നോളജ് ആണ് ഇക്കാര്യമറിയിച്ചത്.മേയ് രണ്ടുമുതൽ ആറുവരെയാണ് അവധി. ശനി, ഞായർ വാരാന്ത്യ അവധിയും കഴിഞ്ഞ് മേയ് ഒമ്പതിന് സ്കൂളുകൾ പുനരാരംഭിക്കും.

ദുബായിലെ സ്വകാര്യ വിദ്യാലയങ്ങൾക്കും മേയ് രണ്ട് മുതലായിരിക്കും അവധി നൽകുകയെന്ന് ദുബായ് നോളജ് ആൻഡ്‌ ഹ്യൂമൻ ഡെവലപ്‌മെന്റ് അതോറിറ്റി അറിയിച്ചിട്ടുണ്ട്. വാരാന്ത്യ അവധിദിനങ്ങൾകൂടി കണക്കിലെടുക്കുമ്പോൾ ആകെ ഏഴ് ദിവസത്തെ അവധിയാണ് വിദ്യാലയങ്ങൾക്ക് ലഭിക്കുക.