കുവൈത്തില്‍ 651 പേര്‍ക്ക് കോവിഡ് ബാധ
കുവൈത്ത് സിറ്റി : കുവൈത്തില്‍ 651 പേര്‍ക്ക് കൂടി കൊറോണ വൈറസ് രോഗം റിപ്പോർട്ട് ചെയ്തിരിക്കുന്നു. രാജ്യത്ത് ഇതുവരെ 69,425 പേര്‍ക്കാണ് കൊറോണ വൈറസ് രോഗം റിപ്പോർട്ട് ചെയ്തിരിക്കുന്നത്. ബുധനാഴ്ച 580 പേര്‍ ഉള്‍പ്പെടെ 60,906 പേര്‍ കോവിഡിൽ നിന്നും രോഗമുക്തി നേടി. മൂന്നുപേര്‍കൂടി മരിച്ചതോടെ രാജ്യത്തെ ആകെ കൊറോണ വൈറസ് മരണം 468 ആയി ഉയർന്നു. നിലവിൽ 8051 പേരാണ് ചികിത്സയിലുള്ളത്. 128 പേര്‍ തീവ്രപരിചരണ വിഭാഗത്തിലാണ്. 4550 പേര്‍ക്കാണ് പുതുതായി കൊറോണ വൈറസ് പരിശോധന നടത്തിയത്.
425 കുവൈത്തികള്‍ക്കും 226 വിദേശികള്‍ക്കുമാണ് പുതുതായി വൈറസ് ബാധിച്ചത്. അഹ്മദി ഗവര്‍ണറേറ്റില്‍ 219 പേര്‍ക്കും ഫര്‍വാനിയ ഗവര്‍ണറേറ്റില്‍ 137 പേര്‍ക്കും ജഹ്റ ഗവര്‍ണറേറ്റില്‍ 132 പേര്‍ക്കും കാപിറ്റല്‍ ഗവര്‍ണറേറ്റില്‍ 84 പേര്‍ക്കും ഹവല്ലി ഗവര്‍ണറേറ്റില്‍ 79 പേര്‍ക്കുമാണ് പുതുതായി കൊറോണ വൈറസ് രോഗം റിപ്പോർട്ട് ചെയ്തിരിക്കുന്നത്.