ഗുജറാത്ത് തിരഞ്ഞെടുപ്പ് 2 ഘട്ടം - ഡിസംബർ 1, 5; ഫലം 8ന്

 ന്യൂഡൽഹി ∙ ഗുജറാത്ത് നിയമസഭാ തിരഞ്ഞെടുപ്പ് 2 ഘട്ടങ്ങളിലായി ഡിസംബർ ഒന്നിനും അ‍ഞ്ചിനും നടക്കും. വോട്ടെണ്ണൽ ഡിസംബർ 8ന്. ഈ മാസം 12ന് വോട്ടെടുപ്പു നടക്കുന്ന ഹിമാചൽപ്രദേശ് നിയമസഭാ തിരഞ്ഞെടുപ്പിന്റെ വോട്ടെണ്ണലും അന്നു തന്നെയാണ്. 

ഒ​ന്നാം ഘ​ട്ട​ത്തി​ൽ 89 നി​യോ​ജ​ക മ​ണ്ഡ​ല​ങ്ങ​ളി​ലും ര​ണ്ടാം ഘ​ട്ട​ത്തി​ൽ 93 മ​ണ്ഡ​ല​ങ്ങ​ളി​ലു​മാ​ണ് തെ​ര​ഞ്ഞെ​ടു​പ്പു ന​ട​ക്കു​ക. ര​ണ്ടു ഘ​ട്ട​ങ്ങ​ളി​ലാ​യി നാ​ലു​കോ​ടി​യി​ലധി​കം ആ​ളു​ക​ൾ വോ​ട്ട് രേ​ഖ​പ്പെ​ടു​ത്തും. ഗു​ജ​റാ​ത്തി​ൽ മോ​ർ​ബി പാ​ലം ത​ക​ർ​ന്നു മ​രി​ച്ച​വ​ർ​ക്ക് അ​നു​ശോ​ച​നം അ​റി​യി​ച്ച മു​ഖ്യ തെ​ര​ഞ്ഞെ​ടു​പ്പു ക​മ്മീ​ഷ​ണ​ർ രാ​ജീ​വ് കു​മാ​ർ തീ​യ​തി​ക​ൾ പ്ര​ഖ്യാ​പി​ക്കു​ന്ന​ത് വൈ​കിയതിന് അ​പ​ക​ടം കാ​ര​ണ​മാ​യെ​ന്നും കൂ​ട്ടി​ച്ചേ​ർ​ത്തു.

ഗു​ജ​റാ​ത്ത് നി​യ​മ​സ​ഭ​യു​ടെ കാ​ലാ​വ​ധി ക​ഴി​യു​ന്ന​തി​നു 110 ദി​വ​സം മു​ന്പാ​ണ് പ്ര​ഖ്യാ​പ​നം ന​ട​ത്തി​യി​രി​ക്കു​ന്ന​തെ​ന്നു ക​മ്മീ​ഷ​ൻ വി​ശ​ദീ​ക​രി​ച്ചു. ഫെ​ബ്രു​വ​രി പ​തി​നെ​ട്ടി​നേ നി​യ​മ​സ​ഭ​യു​ടെ കാ​ലാ​വ​ധി ക​ഴി​യൂ. അ​തി​നാ​ൽ പ്ര​ഖ്യാ​പ​നം വൈ​കി​യെ​ന്ന ആ​രോ​പ​ണ​ത്തി​ൽ ക​ഴ​ന്പി​ല്ലെ​ന്നാ​ണു ക​മ്മീ​ഷ​ന്‍റെ ന്യായീകരണം.ഹിമാചൽപ്രദേശ് തിരഞ്ഞെടുപ്പ് കഴിഞ്ഞ മാസം 14നാണ് പ്രഖ്യാപിച്ചത്. അന്ന് ഗുജറാത്ത് തിരഞ്ഞെടുപ്പു പ്രഖ്യാപിക്കാതിരുന്നത് പ്രധാനമന്ത്രി നരേന്ദ്ര മോദിക്ക് അവിടെ കൂടുതൽ വികസന പദ്ധതികൾ വാഗ്ദാനം ചെയ്യാനാണെന്ന് പ്രതിപക്ഷം ആരോപിച്ചിരുന്നു. വ്യോമസേനയുടെ ചരക്കു വിമാന നിർമാണശാല ഉൾപ്പെടെ 15,000 കോടി രൂപയുടെ പദ്ധതികൾക്ക് കഴി‍ഞ്ഞ ദിവസം പ്രധാനമന്ത്രി ഗുജറാത്തിൽ തുടക്കം കുറിച്ചു. എന്നാൽ, ആരോപണം മുഖ്യ തിരഞ്ഞെടുപ്പു കമ്മിഷണർ രാജീവ് കുമാർ നിഷേധിച്ചു