ഹരിയാനയിൽ ട്രാക്ടറും ട്രക്കും കൂട്ടിയിടിച്ച് നാല് പേർ മരിച്ചു

ഹരിയാനയിൽ ട്രാക്ടറും ട്രക്കും കൂട്ടിയിടിച്ച് നാല് പേർ മരിച്ചു.കുരുക്ഷേത്രയിലെ ഭൈൻസി മജ്ര, സോലു മജ്ര ഗ്രാമങ്ങളിൽ നിന്നുള്ളവരാണ് കൊല്ലപ്പെട്ടത്. എട്ട് പേർക്ക് പരിക്കേറ്റു. ഗുരുതരമായി പരിക്കേറ്റ രണ്ടുപേരെ ചണ്ഡീഗഡിലെ ആശുപത്രിയിലും മറ്റുള്ളവരെ ലോക് നായക് ജയ് പ്രകാശ് നാരായൺ ആശുപത്രിയിലും പ്രവേശിപ്പിച്ചു.

ഹബാന ഗ്രാമത്തിലെ മത പരിപാടിയിൽ പങ്കെടുക്കാൻ 25 പേരുമായി പോയ ട്രാക്ട‌റിന് പിന്നിൽ ട്രക്ക് ഇടിക്കുകയായിരുന്നു.