'മോദിക്ക് വിദേശ രാജ്യങ്ങളില്‍ ബഹുമാനം ലഭിക്കുന്നത് ഗാന്ധിജിയുടെ രാജ്യത്തിന്റെ പ്രധാനമന്ത്രിയായതിനാൽ'- അശോക് ഗെഹ്ലോട്ട്

നരേന്ദ്ര മോദിക്ക് വിദേശ രാജ്യങ്ങളില്‍ ബഹുമാനം ലഭിക്കുന്നത് ഗാന്ധിജിയുടെ രാജ്യത്തിന്റെ പ്രധാനമന്ത്രിയായതിനാൽ ആണെന്ന് രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട്. രാജസ്ഥാനിലെ മന്‍ഗറില്‍ ആദിവാസി സ്വാതന്ത്ര്യ സമര സേനാനികളുടെ അനുസ്മരണ ചടങ്ങിലായിരുന്നു ഗെഹ്ലോട്ടിന്റെ പരാമര്‍ശം. വേദിയിൽ മോദിയും സന്നിഹിതനായിരുന്നു.

വിദേശത്തു പോകുമ്ബോള്‍ മോദിക്ക്  വലിയ ബഹുമാനമാണ് കിട്ടുന്നത്. കാരണം ഗാന്ധിജിയുടെ രാജ്യത്തിന്റെ പ്രധാനമന്ത്രിയാണ് അദ്ദേഹം. ജനാധിപത്യം ആഴത്തില്‍ വേരോടുന്ന രാജ്യത്തിന്റെ പ്രധാനമന്ത്രിയാണ്. അത് അറിയാവുന്നതിനാലാണ് ജനം ബഹുമാനിക്കുന്നതെന്ന് ഗെഹ്ലോട്ട് പറഞ്ഞു.