പത്താം ക്ലാസ് പരീക്ഷ കഴിഞ്ഞ് അഞ്ചംഗ വിദ്യാർഥി സംഘം ഊട്ടിയിലേക്ക് ; കണ്ണൂരിൽ വച്ച് ആർപിഎഫ് പിടികൂടി

എസ്എസ്എൽസി പരീക്ഷ കഴിഞ്ഞ് രക്ഷിതാക്കളെ അറിയിക്കാതെ ഊട്ടിയിലേക്ക് പോവുകയായിരുന്ന വിദ്യാർഥികളെ കണ്ണൂർ റെയിൽവേ പൊലീസ് പിടികൂടി. കഴിഞ്ഞ ബുധനാഴ്ചയാണ് പെൺകുട്ടികൾ ഉൾപ്പെടെ അഞ്ചംഗ സംഘം സ്കൂൾ യൂണിഫോം മാറ്റി കൊല്ലം റെയിൽവേ സ്റ്റേഷനിലെത്തിയത്. ഊട്ടിയിലേക്ക് പോകണമെന്ന് അവർ ആഗ്രഹിച്ചു, പക്ഷേ ഏത് ട്രെയിനിൽ കയറണമെന്ന് അവർക്ക് അറിയില്ല.

 കണ്ണൂരിലേക്ക് ടിക്കറ്റ് എടുത്ത് അവർ നിസാമുദ്ദീൻ എക്സ്പ്രസിൽ കയറി. 2500 രൂപ മാത്രമാണ് സംഘത്തിന്റെ പക്കൽ ഉണ്ടായിരുന്നത്. രാത്രി 11.30 ഓടെ ട്രെയിൻ കണ്ണൂർ റെയിൽവേ സ്റ്റേഷനിൽ എത്തിയെങ്കിലും അവർ അകത്ത് തന്നെ നിന്നു. ട്രെയിൻ പുറപ്പെടുന്നതിന് തൊട്ടുമുമ്പ് ചാത്തന്നൂർ സിഐ ശിവകുമാർ ഫോണിൽ വിളിച്ച നിർദേശത്തെ തുടർന്നാണ് റെയിൽവേ പൊലീസ് വിദ്യാർഥികളെ പിടികൂടിയത്. ഇവരെ ചാത്തന്നൂർ പോലീസിന് കൈമാറി. പറവൂർ കോടതിയിൽ ഹാജരാക്കിയ രണ്ട് പെൺകുട്ടികളെയും ഒരു ആൺകുട്ടിയെയും രക്ഷിതാക്കൾക്കൊപ്പം വിട്ടയച്ചു. മറ്റു രണ്ടുപേരെ കൗൺസിലിങ്ങിന് വിധേയമാക്കി.