'ബ്രൂസ് ലീ'യിൽ റോബിൻ രാധാകൃഷ്ണൻ വില്ലൻ

ഉണ്ണി മുകുന്ദനെ നായകനാക്കി വൈശാഖ് സംവിധാനം ചെയ്യുന്ന 'ബ്രൂസ് ലീ' എന്ന ചിത്രത്തിന്റെ ടൈറ്റില്‍ പോസ്റ്റര്‍ കഴിഞ്ഞ ദിവസം പുറത്തിറക്കി. 'ഓരോ പ്രവൃത്തിക്കും അനന്തരഫലങ്ങളുണ്ട്', എന്ന ക്യാപ്ഷനോടെയാണ് പോസ്റ്റര്‍ പുറത്തുവിട്ടിരിക്കുന്നത്.ഏറ്റവും പുതിയ റിപ്പോർട്ട് അനുസരിച്ച് ചിത്രത്തിൽ വില്ലൻ കഥാപാത്രത്തെ ആവതരിപ്പിക്കുക ബിഗ്‌ബോസ് താരം റോബിൻ രാധാകൃഷ്ണൻ ആണ്. ബിഗ്‌ബോസിലൂടെ വലിയ രീതിയിൽ ആരാധകരെ സൃഷ്ട്ടിച്ച താരമാണ് റോബിൻ.

ഉദയ കൃഷ്ണയാണ് തിരക്കഥ. ഉണ്ണി മുകുന്ദന്റെ ബിഗ് ബജറ്റ് ചിത്രം കൂടിയാണിത്. ചിത്രം നിര്‍മ്മിക്കുന്നത് ഗോകുലം മൂവീസ് ആണ്. വി.സി. പ്രവീണ്‍, ബൈജു ഗോപാലന്‍ എന്നിവരാണ് കോ- പ്രൊഡ്യൂസഴ്‌സ്. എക്‌സിക്യൂട്ടീവ് പ്രൊഡ്യൂസര്‍- കൃഷ്ണമൂര്‍ത്തി.