വിശപ്പു നിൻ ഉൾത്തീയെന്നുരഞ്ഞതില്ല നീ...
വിവാദങ്ങൾക്കിടയിൽ ആദിവാസിയുടെ ലിറിക്കൽ വിഡിയോ  പുറത്തിറക്കി

മധുവിന്റെ ജീവിതം പ്രമേയമാകുന്ന സിനിമ ‘ആദിവാസി’ : ദി ബ്ലാക്ക് ഡെത്ത് എന്ന ചിത്രത്തിന്റെ ലിറിക്കൽ വിഡിയോ പുറത്തിറക്കി . മധുവിന്റെ കൊലപാതക കേസ് അട്ടിമറിക്കാൻ   ശ്രമം നടക്കുന്നുണ്ട് എന്ന ബന്ധുക്കളുടെ ആരോപണം നിലനിൽക്കെയാണ്   ചിത്രം റിലീസിനായി ഒരുങ്ങുന്നത്.     “വിശപ്പു നിൻ ഉൾത്തീയെന്നുരഞ്ഞതില്ല നീ...
എന്നു തുടങ്ങുന്ന പാട്ട്

" കറുപ്പു എന്നുമെ കറുപ്പു താ "  എന്ന വരിയോടെയാണ്  അവസാനിക്കുന്നത്.
ഏരിസിന്റെ  ബാനറിൽ ഡോ.  സോഹൻ റോയ്  ഗാനരചനയും, നിർമ്മാണവും നിർവ്വഹിച്ച്   ശരത് അപ്പാനി  പ്രധാന വേഷത്തിൽ അഭിനയിച്ച “ആദിവാസി" കഥയെഴുതി സംവിധാനം ചെയ്തത് വിജീഷ് മണിയാണ്. ആദ്യ പോസ്റ്റർ റിലീസ് ചെയ്തത് വാവസുരേഷ് ആണ്.

മധുവിന്റെ ഭാഷയിൽ  വിശപ്പ് പ്രമേയമാക്കിയാണ് സിനിമ ഒരുക്കിട്ടുള്ളത്. ചിത്രത്തിൽ അപ്പാനി ശരത്തിനോടൊപ്പം ചന്ദ്രൻ മാരി, വിയാൻ, മുരുകേഷ് ഭുതുവഴി, മുത്തുമണി , രാജേഷ് ബി , പ്രകാശ് വാടിക്കൽ, റോജി പി കുര്യൻ, വടികയമ്മ , ശ്രീകുട്ടി , അമൃത, മാസ്റ്റർ മണികണ്ഠൻ, ബേബി ദേവിക തുടിങ്ങിയവരാണ് അഭിയിച്ചിരിക്കുന്നത്.